Nan Chapit sa w'ap gen pou w aprann kisa wordpress ye e diferan fason w ka itilize zouti puisan sa a pou w fè lajan sou entènèt la.

Menmjan anvan nou fè yon kay nou chita pou nou planifye tout bagay, anvan nou kreye yon sit entènèt, keseswa se pou tèt nou oswa pou yon lòt moun, nou chita pou nou planifye plizyè bagay tankou ki sam pral vann sou sit la, konbyen moun ki ka vizite l chak jou, ki sam bezwen pou sit la fèt, ki koulè m'ap ba li, elatriye. Nan chapit sa, w'ap kòmanse aprann bonjan fason w ka fè jan de planifikasyon sa yo.

Nan chapit sa, ou pral kòmanse familyarize'l ak backend WordPress la. Backend lan se kote ou konfigire tout sa w vle vizitè w yo wè sou sit la lè yo vizite l.

Nan Chapit sa, N'ap kontinye metrize backend lan epi n'ap kòmanse travay sou frontend sit nou an ki se pati kliyan yo wè lè yo vizite sit la.

Nan Chapit sa, n'ap kontinye travay sou frontend lan, epi n'ap travay tou sou yon seri lòt platfòm tankou Google Analytics ak Search Console

Felisitasyon, ou deja rive nan dènye chapit kou a! Nou pral entwodui w sou kèk aspè legal, Komès Anliy, epi se la w'ap konplete pwojè final la.